NIGEL MANSELLEK 1992TIK ZUEN MARKA HAUTSI DU
Vettelen 15. poleak errekorra balio du, Brasilen
Laurentzi Garmendia 2011-11-26 - 22:55:18
Lortu du nahi zuena: Mansellen pole errekorra haustea
Sebastian Vettelek beste errekor bat hautsi du gaur Brasilen urteko 15. pole position-a lortuta. Red Bullekoak lasai hartu zuen atzoko eguna, eta gaur goizean FP3an erakutsi bere abiadura ahalmena lehen aldiz. Sailkatze saioa iritsi eta maila horri eutsi dio, lehen postua lortuta. Mark Webber taldekideak egin du bigarren denbora onena, eta hala, Red Bullek osatu du lehen lerroa. Bigarren lerroa McLarenena da, Buttonek Hamiltoni aurrea hartuta. Alonsok bosgarren egin du.
Q1 saioa ohikoa izan da, hiru talde txikiak azken postuetan sailkatuz. Oraingo honetan HRTko gidariek Virginekoei aurrea hartu diete. Kezkatzekoa da Virgin autoaren maila, aldaketak egin badituzte ere ez baitira aurrera egiteko gauza. Lotusek atzeko aleroi berria eraman du Brasilera, DRS sistemari etekin gehiago ateratzeko. Aurreko autoetara gerturatu badira ere, oraindik ez die Q2ra jauzi egiteko balio. Pastor Maldonadok lagundu die mozketan, lan eskasa eginda. Kanporatuak: Maldonado, Kovalainen, Trulli, Liuzzi, Ricciardo, D'Ambrosio, Glock.
Gehiago estutu dira gauzak Q2 saioan, eta ezustekoren bat ere gertatu da. Rubens Barrichellok urteko sailkatze onena gauzatu du bere azken lasterketa izan daitekeenean, 12. postua lortu baitu, mozketa gainditzeko bi hamarrenekotara. Bere aurretik Paul di Restak amaitu du, gutxigatik Michael Schumacher kanporatu ez duena. Bruno Sennak ere aurrera egin du, aspaldiko partez. Tarte handia atera dio Petrovi, eta hau ez da 15. postutik igaro. Adrian Sutilek ere lan ona egin eta Q3rako sailkatu da. Honentzat ere azken lasterketa izan daiteke bere egungo taldean (Force India). Kanporatuak: Di Resta, Barrichello, Alguersuari, Buemi, Petrov, Kobayashi, Perez.
Urteko azken sailkatze saioak izen nagusi argia izan du: Sebastian Vettel. Lehen ahaleginean bera izan da azkarrena, Webberri segundu laurden atereaz. Alonsok Hamiltonek baino itzuli hobea egin du eta behin-behineko laugarrena zen, Buttonen atzetik. Bigarren ahaleginetan Vettelek bere denbora hobetu du eta Webber gerturatu bazaio ere, lehen postuari eutsi dio eta hala urteko 15. polea lortu. Buttonek ere hirugarren egin du, baina Hamiltonek Alonsori aurrea hartu dio. Alonso urteko 8. aldiz sailkatu da bosgarren postuan. Vettelek alde handia atera die Webber eta Button ez beste guztiei, eta lehorrean podiumerako hautagaiak lirateke. Baina euri iragarpena dago biharko lasterketarako, %60koa, eta horrek erabat iraul dezake egoera.
Pos Driver Team Time Gap 1. Sebastian Vettel Red Bull-Renault 1m11.918s 2. Mark Webber Red Bull-Renault 1m12.099s + 0.181 3. Jenson Button McLaren-Mercedes 1m12.283s + 0.365 4. Lewis Hamilton McLaren-Mercedes 1m12.480s + 0.562 5. Fernando Alonso Ferrari 1m12.591s + 0.673 6. Nico Rosberg Mercedes 1m13.050s + 1.132 7. Felipe Massa Ferrari 1m13.068s + 1.150 8. Adrian Sutil Force India-Mercedes 1m13.298s + 1.380 9. Bruno Senna Renault 1m13.761s + 1.843 10. Michael Schumacher Mercedes Q2 cut-off time: 1m13.571s Gap ** 11. Paul di Resta Force India-Mercedes 1m13.584s + 1.138 12. Rubens Barrichello Williams-Cosworth 1m13.801s + 1.355 13. Jaime Alguersuari Toro Rosso-Ferrari 1m13.804s + 1.358 14. Sebastien Buemi Toro Rosso-Ferrari 1m13.919s + 1.473 15. Vitaly Petrov Renault 1m14.053s + 1.607 16. Kamui Kobayashi Sauber-Ferrari 1m14.129s + 1.683 17. Sergio Perez Sauber-Ferrari 1m14.182s + 1.736 Q1 cut-off time: 1m14.571s Gap * 18. Pastor Maldonado Williams-Cosworth 1m14.625s + 1.344 19. Heikki Kovalainen Lotus-Renault 1m15.068s + 1.787 20. Jarno Trulli Lotus-Renault 1m15.358s + 2.077 21. Tonio Liuzzi HRT-Cosworth 1m16.631s + 3.350 22. Daniel Ricciardo HRT-Cosworth 1m16.890s + 3.609 23. Jerome D'Ambrosio Virgin-Cosworth 1m17.019s + 3.738 24. Timo Glock Virgin-Cosworth 1m17.060s + 3.779 107% time: 1m18.410s * Gap to quickest in Q1 ** Gap to quickest in Q2